Kasabay ng regular flag raising ceremony nitong ika-29 ng Enero, sa pangunguna ng Isuzu Calapan City

at lokal na pamahalaan ng lungsod ng Calapan, binigyang daan sa City Hall ang official turnover ng dalawang (2) unit ng Kawasaki Motorcycle Dominar 400 na mayroong siren at blinker.

Ang mga ipinagkaloob na motorsiklo ay ipinagkaloob sa lungsod ng Calapan sa kabutihang loob nina Mr. and Mrs. Roger King.

Ang naturang aktibidad ay dinaluhan ng mga kinatawan mula sa Isuzu Calapan City na sina Ms. Kathleene M. Velasquez (Sales Manager of Isuzu Calapan), Mr. Rico Y. Delica (Isuzu Sales Executive) at Mr. Oliver De Mesa (Isuzu Sales Executive).

Ang mga nasabing motorcycle ay tinanggap ng LGU ng Calapan sa pangunguna nina City Mayor Marilou Flores-Morillo, City Public Safety Department Officer, Mr. Allan Umali, at City Councilor Atty. Jel Magsuci, kung saan nasaksihan ito ang mga Hepe at kawani ng pamahalaang lungsod.

Ayon sa Punong-lungsod, lubos na makatutulong ang mga sasakyang ito, para masiguro ang kapayapaan at kaayusan sa Lungsod ng Calapan, kaya naman lubos siyang nagpapasalamat sa pamunuan ng Isuzu Calapan City.