Mahigit kumulang 500 mamamayan ng Calapan ang napagkalooban ng kani-kanilang Health Card.

Sa pamamahala ni Madam Julie Paduada – Health Card Program Manager, personal na ipinamahagi ni Calapan City Mayor Malou Flores-Morillo sa mga barangay ng Sta. Isabel, Ibaba East, Ibaba West, Masipit, Tawiran at gayundin sa tanggapan ng PDEA ang kanilang Health Card kasama rin sina konsehala Atty. Jel Magsuci at Chief of Staff Mr. Joseph Umali.

Ipinabatid naman ni Mayor Malou sa mga naroroon na tunay namang adhikain niya na mas mapalawig at mas itaas pa ang antas ng serbisyo ng primary health care at medical assistance sa buong kalungsuran, para sa mas malusog at ligtas na Calapan.

“Gastusin sa usaping pangkalusugan – may katuwang po kayo dyan!” — Mayor Morillo