MAYOR MALOU F. MORILLO’S 1^ST MILITARY AND UNIFORMED PERSONNEL CUP 2024

Sa presensya ni City Mayor Marilou Flores-Morillo, mainit na binuksan at sinimulan ang “Mayor Malou F. Morillo’s 1^st Military and Uniformed Personnel Cup 2024” gayundin ang Miss MUP CUP Coronation na pinangunahan ng Bureau of Fire Protection (BFP) Calapan City Fire Station, katuwang ang Pamahalaang Lungsod ng Calapan, ginanap sa Sentrong Pangkabataan, Barangay Sta. Isabel, Lungsod ng Calapan, nitong ika-28 ng Abril.

Siyam na koponan ang maghaharap-harap sa nasabing kompetisyon, kabilang dito ang BFP Valiant Firefighters, Calapan CPS Hornets, BJMP Safekeepers, NBI MIMAROPA Tribe, PDEA MIMAROPA Drug Busters, PCG OrMin Dolphins, Port Police Waterfront’s Enforcers, Forensic Elites, at PRO PNP Eco Warriors.

Samantala, kasama ni Mayor Morillo na dumalo sa nasabing gawain si CYSDD Officer, Mr. Marvin L. Panahon, kung saan layunin nito na maipakita ang kahusayan at angking talento ng bawat isa sa larangan ng isports, at mapaunlad ang kani-kanilang matibay na samahan, maging ang kanilang kalusugang pisikal at mental.