SOCIAL ASSISTANCE PARA SA MGA NON-PENSIONER NA CALAPEÑO SENIOR CITIZENS, ISINAKATUPARAN NI MAYOR MORILLO

Matagumpay na isinakatuparan ni City Mayor Marilou Flores-Morillo at ng Pamahalaang Lungsod ng Calapan, sa pamamagitan ng City Social Welfare and

Development Department, katuwang ang City Treasury Department ang “Social Assistance Program Payout 2024”, na ginanap sa Lungsod ng Calapan, nitong ika-17 hanggang ika-20 ng Disyembre.

Nasa kabuuang 6,416 Non-pensioner senior citizens na Calapeño mula sa 62 Barangay sa lungsod ang napagkalooban ng naturang tulong pinansyal, kung saan ₱2,000 ang natanggap ng bawat isa sa kanila.

Patuloy na umaarangkada ang administrasyong Morillo sa pagkakaloob ng tulong para sa mga mamamayang Calapeño, upang masiguro na nabibigyang pansin ang lahat ng sektor na dapat ay napagkakalooban ng tamang suporta at pagpapahalaga mula sa pamahalaan.

Samantala, nagpakita naman ng pagsuporta sa nasabing aktibidad si City Councilor Atty. Jel Magsuci, at City Councilor Rafael “Jun” E. Panaligan, Jr., gayundin ang mga kasamahan ng punong-lungsod sa Team TAMA na sina Judge Paddy Padilla, Ms. Mylene de Jesus, Mr. Joseph Umali, Mr. Jaypee M. Vega, Dr. Mervin Tan, Mr. Ruel Cosico, Atty. Ejay Baculo, at Ms. Agatha Ilano.