Dumalo si City Mayor Marilou Flores-Morillo sa “Digital Careers Expo” na inorganisa ng DICT-MIMAROPA noong Setyembre 27 sa Calapan City Convention Center. Ang expo ay may temang “Navigating the Digital Frontier: Connecting Talent with Technology” at layuning ipakita ang mga oportunidad sa lokal at global na merkado ng mga industriya na nakatuon sa ICT, tulad ng IT-BPM, Emerging Technologies, Online Freelancing, at Creatives Industry. Nais ng aktibidad na hikayatin ang mga Pilipino na pasukin ang digital careers para makamit ang mas mataas na potensyal na kita. Nakadaupang-palad ni Mayor Morillo si DICT Undersecretary Jocelle Batapa-Sigue at Director Emmy Lou Delfin, kasama ang iba pang bisita at mga kalahok.