Nalalapit nang magkaroon ng katuparan ang isa sa mga pangarap ni 𝗖𝗮𝗹𝗮𝗽𝗮𝗻 𝗖𝗶𝘁𝘆 𝗠𝗮𝘆𝗼𝗿 𝗠𝗮𝗹𝗼𝘂 𝗙𝗹𝗼𝗿𝗲𝘀-𝗠𝗼𝗿𝗶𝗹𝗹𝗼 na pag-usbong ng turismo sa pamamagitan ng iniingatang likas-yaman ng lungsod.

Sa tulong ng mga high-profile underwater photographers mula sa iba’t ibang diving clubs ng 𝗕𝗮𝘁𝗮𝗻𝗴𝗮𝘀 𝗖𝗶𝘁𝘆, 𝗣𝘂𝗲𝗿𝘁𝗼 𝗚𝗮𝗹𝗲𝗿𝗮 at Blue Alliance Philippines na nagkaisa upang idokumento ang kasalukuyang kondisyon ng mga natukoy na potential diving sites sa katubigang sakop ng Calapan City.

Sinimulan ang unang araw ng pagsasaliksik sa kailaliman ng dagat sa bahagi ng 𝗛𝗮𝗿𝗸𝗮 𝗣𝗶𝗹𝗼𝘁𝗼 𝗠𝗮𝗿𝗶𝗻𝗲 𝗣𝗿𝗼𝘁𝗲𝗰𝘁𝗲𝗱 𝗔𝗿𝗲𝗮. Upang ipahayag ang kanyang kagalakan sa inisyatibang ito ay sinadya ni Mayor Malou ang mga kabalikat ng Pamahalaang Lungsod sa proyekto, sa Anahaw Island View Resort, Balite, Calapan City, Pebrero 15, 2023.

Dito ay personal na ipinahayag ni Mayor Malou ang kanyang lubos na pasasalamat sa lahat ng tumutulong upang kanyang maisakatuparan ang pangangalaga ng marine biodiversity na kaakibat ay paglago ng turismo at kabuhayan para sa mga Calapeño.

Ayon sa mga naging dokumentasyon ay kinakitaan ng magandang resulta ang mga inisyatibang ginagawa ng Pamahalaang Lungsod ukol sa conservation and protection ng marine ecosystems.

Inaasahan na sa darating na mga taon ay masisimulan na ang mga proyekto upang ganap na maging 𝒆𝒄𝒐-𝒕𝒐𝒖𝒓𝒊𝒔𝒎 𝒔𝒊𝒕𝒆𝒔 ang mga natatagong likas-yaman ng lungsod.

Ang ginagawang exploration sa ilalim ng karagatang sakop ng lungsod ay pinapangasiwaan at sa pagtutuwang ng 𝗖𝗶𝘁𝘆 𝗙𝗶𝘀𝗵𝗲𝗿𝗶𝗲𝘀 𝗠𝗮𝗻𝗮𝗴𝗲𝗺𝗲𝗻𝘁 𝗢𝗳𝗳𝗶𝗰𝗲 na pinamumunuan ni 𝗠𝗿. 𝗥𝗼𝗯𝗶𝗻 𝗖𝗹𝗲𝗺𝗲𝗻𝘁 𝗩𝗶𝗹𝗹𝗮𝘀 at ng Calapan City Tourism, Culture and Arts na pinamumunuan naman ni 𝗠𝗿. 𝗖𝗵𝗿𝗶𝘀𝘁𝗶𝗮𝗻 𝗚𝗮𝘂𝗱.

Ang mga kawani ng 𝗖𝗶𝘁𝘆 𝗗𝗶𝘀𝗮𝘀𝘁𝗲𝗿 𝗥𝗶𝘀𝗸 𝗥𝗲𝗱𝘂𝗰𝘁𝗶𝗼𝗻 𝗮𝗻𝗱 𝗠𝗮𝗻𝗮𝗴𝗲𝗺𝗲𝗻𝘁 𝗗𝗲𝗽𝗮𝗿𝘁𝗺𝗲𝗻𝘁 at 𝗣𝗵𝗶𝗹𝗶𝗽𝗽𝗶𝗻𝗲 𝗖𝗼𝗮𝘀𝘁 𝗚𝘂𝗮𝗿𝗱 𝗢𝗿𝗶𝗲𝗻𝘁𝗮𝗹 𝗠𝗶𝗻𝗱𝗼𝗿𝗼 ay naroon din upang umalalay sa grupo ng mga divers.

Sa loob ng dalawang araw ay matagumpay na naisagawa ang dokumentasyon sa walong potential diving sites sa Lungsod ng Calapan na nakatakdang ipresenta kasabay ng selebrasyon ng 𝟮𝟱𝘁𝗵 𝗙𝗼𝘂𝗻𝗱𝗶𝗻𝗴 𝗔𝗻𝗻𝗶𝘃𝗲𝗿𝘀𝗮𝗿𝘆 ng Calapan City sa 𝗠𝗮𝗿𝘀𝗼 𝟮𝟭.