𝑻𝒖𝒏𝒂𝒚 𝒏𝒂 𝒏𝒂𝒊𝒊𝒃𝒂 𝒂𝒕 𝒌𝒂𝒊𝒈𝒂-𝒊𝒈𝒂𝒚𝒂!

Mula sa salitang “𝒌𝒂𝒍𝒂𝒑” na may pakahulugang “𝒕𝒐 𝒈𝒂𝒕𝒉𝒆𝒓”, nagsama-sama ring muli ang mga Calapeño para sa 𝑷𝑰𝑳𝑨𝑲a-magarbong display of talent, history, culture & arts sa isinagawang KALAP Festival 2023 Street Dancing.

Magarbong mga kasuotan at palamuti na sumisimbolo sa makulay na kultura, kasaysayan at tagumpay na tinatamasa ngayon ng lungsod ng Calapan.

Muling nasaksihan ang KALAP STREET & IN-PLACE DANCING nitong Sabado, March 19 ganap na ika-tatlo ng hapon (3:00pm) na pinangunahan ng 𝗖𝗮𝗹𝗮𝗽𝗮𝗻 𝗖𝗶𝘁𝘆 𝗧𝗼𝘂𝗿𝗶𝘀𝗺 𝗖𝘂𝗹𝘁𝘂𝗿𝗲 𝗮𝗻𝗱 𝗔𝗿𝘁𝘀 sa pamamahala ni 𝗠𝗿. 𝗖𝗵𝗿𝗶𝘀𝘁𝗶𝗮𝗻 𝗚𝗮𝘂𝗱, na nagsimula sa A. Bonifacio St. Ilaya, at bumagtas sa kahabaan ng J.P. Rizal St.

Sa ginanap na enggrandeng street dancing, maaga pa lamang ay nakaabang na ang mga manonood sa gilid ng kalsada kung saan dumaan ang street dance contingents.

Samantala, sa OMNHS Grounds naman isinagawa ang cultural & festival In-place performances ng mga naturang kalahok.

Naging “short but sweet” naman ang naging mensahe ng ina ng lungsod, 𝗖𝗶𝘁𝘆 𝗠𝗮𝘆𝗼𝗿 𝗠𝗮𝗹𝗼𝘂 𝗙𝗹𝗼𝗿𝗲𝘀-𝗠𝗼𝗿𝗶𝗹𝗹𝗼, “𝑨𝒏𝒈 25 𝒅𝒂𝒚𝒔 𝒏𝒂 𝒔𝒊𝒌𝒔𝒊𝒌, 𝒍𝒊𝒈𝒍𝒊𝒈 𝒂𝒕 𝒖𝒎𝒂𝒂𝒑𝒂𝒘 𝒏𝒂 𝒂𝒌𝒕𝒊𝒃𝒊𝒅𝒂𝒅 𝒏𝒈 𝒄𝒊𝒕𝒚 𝒈𝒐𝒗𝒆𝒓𝒏𝒎𝒆𝒏𝒕 𝒑𝒂𝒓𝒂 𝒔𝒂 𝒊𝒏𝒚𝒐, 𝒂𝒚 𝒑𝒂𝒈𝒕𝒖𝒑𝒂𝒅 𝒔𝒂 𝒂𝒎𝒊𝒏𝒈 𝒊𝒑𝒊𝒏𝒂𝒏𝒈𝒂𝒌𝒐𝒏𝒈 𝑩𝒂𝒍𝒊𝒌-𝑳𝒊𝒘𝒂𝒏𝒂𝒈, 𝑩𝒂𝒍𝒊𝒌-𝑮𝒂𝒍𝒂𝒌, 𝑩𝒂𝒍𝒊𝒌-𝑺𝒊𝒈𝒍𝒂, 𝑲𝑨𝑳𝑨𝑷 𝑭𝒆𝒔𝒕𝒊𝒗𝒂𝒍 𝒏𝒂!”

Sampung contingents ang nakilahok sa naturang PILAK KALAP Dancing Competition na kinabibilangan ng: 𝗠𝗮𝗻𝗮𝗴𝗽𝗶 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹, 𝗖𝗮𝗻𝘂𝗯𝗶𝗻𝗴 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹, 𝗖𝗲𝗿𝗶𝗮𝗰𝗼 𝗔𝗯𝗲𝘀 𝗠𝗲𝗺𝗼𝗿𝗶𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹, 𝗕𝘂𝗰𝗮𝘆𝗮𝗼 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹, 𝗖𝗶𝘁𝘆 𝗖𝗼𝗹𝗹𝗲𝗴𝗲 𝗼𝗳 𝗖𝗮𝗹𝗮𝗽𝗮𝗻, 𝗡𝗮𝗴-𝗶𝗯𝗮 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹, 𝗖𝗼𝗺𝗺𝘂𝗻𝗶𝘁𝘆 𝗩𝗼𝗰𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹, 𝗣𝗮𝗿𝗮𝗻𝗴 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹, 𝗠𝗶𝗻𝗱𝗼𝗿𝗼 𝗦𝘁𝗮𝘁𝗲 𝗨𝗻𝗶𝘃𝗲𝗿𝘀𝗶𝘁𝘆 at 𝗢𝗿𝗶𝗲𝗻𝘁𝗮𝗹 𝗠𝗶𝗻𝗱𝗼𝗿𝗼 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹.

Ang PILAK KALAP 2023 Street & In-place Dancing ay tunay namang maituturing na event tourism na PILAKa-aabangan hindi lamang sa lungsod ng Calapan, kundi ng buong lalawigan.

Samantala, hindi naging madali ang ginampanang trabaho ng mga piling hurado-walang itulak kabigin sa pasiklab na performances na ipinakita ng sampung kalahok.

Bagamat lahat ay nagpamalas ng kani-kanilang husay sa makapigil hiningang pagsasayaw, creativity, story telling hinggil sa temang Pista Sa Nayon, at kakaibang choreography, sa huli nakuha ng 𝗢𝗿𝗶𝗲𝗻𝘁𝗮𝗹 𝗠𝗶𝗻𝗱𝗼𝗿𝗼 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 ang kampiyonato na nakakuha ng total average score na 𝟵𝟱.𝟲𝟬 at nakatanggap ng tumataginting na 𝗣𝟭𝟬𝟬,𝟬𝟬𝟬.𝟬𝟬, na pinasundan naman ng 𝗠𝗶𝗻𝗱𝗼𝗿𝗼 𝗦𝘁𝗮𝘁𝗲 𝗨𝗻𝗶𝘃𝗲𝗿𝘀𝗶𝘁𝘆 na nakatanggap ng 𝗣𝟳𝟱,𝟬𝟬𝟬.𝟬𝟬 at ng 𝗠𝗮𝗻𝗮𝗴𝗽𝗶 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹, na nakatanggap ng halagang 𝗣𝟱𝟬,𝟬𝟬𝟬.𝟬𝟬. Naiuwi naman ng 𝗡𝗮𝗴-𝗶𝗯𝗮 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 ang 𝑩𝒆𝒔𝒕 𝒊𝒏 𝑺𝒕𝒓𝒆𝒆𝒕 𝑫𝒂𝒏𝒄𝒆 𝑨𝒘𝒂𝒓𝒅.

Dahil sa init ng pagtanggap at ipinakitang suporta ng taumbayan, at dahil sa katagumpayan ng naturang PILAKa-engrandeng PILAK KALAP 2023 Street & In-place Dancing, tiyak na pakaaabangang muli ng buong Calapan ang patimpalak na ito sa susunod na taon.

Naroon at nagpakita rin ng suporta sina 𝗞𝗼𝗻𝘀𝗲𝗵𝗮𝗹𝗮 𝗥𝗟 𝗟𝗲𝗮𝗰𝗵𝗼𝗻, 𝗞𝗼𝗻𝘀𝗲𝗵𝗮𝗹 𝗥𝗮𝗳𝗮𝗲𝗹 𝗣𝗮𝗻𝗮𝗹𝗶𝗴𝗮𝗻 𝗝𝗿, 𝗠𝗿. 𝗝𝗮𝗻 𝗝𝗼𝘀𝗲𝗽𝗵 𝗨𝗺𝗮𝗹𝗶-𝗘𝘅𝗲𝗰𝘂𝘁𝗶𝘃𝗲 𝗔𝘀𝘀𝗶𝘀𝘁𝗮𝗻𝘁 𝗜𝗩 at ilang Department Heads at Program Managers ng Pamahalaang Lungsod.