“A Night of Brilliance: Recognizing the Finest in Oriental Mindoro’s Local Governance”, ito ang SINAG (Sagisag, Inspirasyon at Ningning ng Adhikang Galing) NG

SILANGANG MINDORO AWARDS 2024, hatid ng Department of the Interior and Local Government (DILG) Oriental Mindoro.

Dito ay sama-samang ipinagdiwang at kinilala ang ipinamalas na dedikasyon, kontribusyon at kahusayan ng mga huwarang lingkod-bayan, opisyales at empleyado ng mga lokal na pamahalaan sa Lalawigan ng Oriental Mindoro, katuwang ang DILG sa larangan ng mahusay at mabuting pamamahala.

Samantala, nagbigay naman ng kanilang mensahe para sa mga panauhing dumalo sina Regional Director – DILG MIMAROPA, Dir. Karl Caesar R. Rimando, CESO III, Provincial Director – DILG Oriental Mindoro, Dir. Maria Victoria J. Del Rosario, CSEE, at Governor Humerlito “Bonz” A. Dolor. Kasama ni Mayor Malou F. Morillo na tumanggap ng mga sertipiko ng pagkilala para sa lungsod sina Vice Mayor Rommel ‘Bim’ A. Ignacio, EnP. Ivan Stephen F. Fadri, CPA, CESE (City Director, DILG Calapan City), at iba pang mga kasamahan nila sa paglilingkod.