Aktibong nakibahagi si 𝗖𝗶𝘁𝘆 𝗠𝗮𝘆𝗼𝗿 𝗠𝗮𝗿𝗶𝗹𝗼𝘂 𝗙𝗹𝗼𝗿𝗲𝘀-𝗠𝗼𝗿𝗶𝗹𝗹𝗼 sa pagtulong at paglilingkod sa taumbayan, sa pamamagitan ng “𝑾𝒐𝒓𝒔𝒉𝒊𝒑 𝑪𝒂𝒓𝒂𝒗𝒂𝒏”, katuwang ang Pamahalaang Lungsod ng Calapan, para sa mga mamamayan, ginanap sa Barangay Gutad, Covered Court, ngayong araw ng Miyerkules, ika-26 ng Abril.

Ang mga benepisyaryo ng naturang aktibidad ay mula sa 𝟴 na Barangay sa Calapan, kung saan ay kabilang dito ang 𝗕𝘂𝗵𝘂𝗮𝗻, 𝗚𝘂𝘁𝗮𝗱, 𝗠𝗮𝗶𝗱𝗹𝗮𝗻𝗴, 𝗡𝗮𝗴-𝗶𝗯𝗮 𝗜, 𝗡𝗮𝗴-𝗶𝗯𝗮 𝗜𝗜, 𝗡𝗮𝘃𝗼𝘁𝗮𝘀, 𝗦𝘁𝗮. 𝗖𝗿𝘂𝘇, at 𝗦𝘂𝗾𝘂𝗶.

Handog dito ang Surgical, Dental, and Medical Mission na naisakatuparan sa pamamagitan ng Worship Caravan, kasama ang mga Pastor at iba pang mga volunteer, katuwang ang Pamahalaang Lungsod, sa pamamagitan ng mga kawani na mula sa City Health and Sanitation Department, Community Affairs Office, at MIS.

Kaugnay sa gawaing ito, nagpapasalamat si Mayor Morillo sa mga mabubuting indibidwal na nanguna at nakiisa para maisakatuparan ang gawaing ito, dahil para sa kanya, malaking tulong ito para sa mga mamamayan, kung saan ay nailalapit sa kanila ang mga serbisyo, kasama ang Kalooban ng Panginoon sa pamamagitan ng sama-samang pagsamba.