Matapos ang nakamamanghang pagtatanghal ng Li Qiang Wu Shu Dragon & Lion Dance Sports Association sa kabayanan ng Calapan, agad itong pinasundan ng programa sa Governor Alfonso Umali Sr. Gymnasium,

OMNHS. Isang pagbati at pasasalamat naman ang ibinahagi ni Ms. Shaneen Grace Ganchua, Calapan Chu Eng School Principal, para sa Pamahalaang Lungsod at gayundin sa lahat ng nakiisa sa nabanggit na selebrasyon. Ilan pa sa nagbigay kulay sa naturang aktibidad ay ang pagdaraos ng Speak Chinese/Storytelling, Chinese Calligraphy / Film Showing, Lantern Painting, Chinese Food Bazaar, Chinese Dance, at ang naging highlight ng selebrasyon — ang Dragon and Lion Dance with Lights Exhibition na agad nasundan ng Fireworks and Firecracker Display. Ang Chinese New Year Celebration ay nagsimula panahon ng Dinastiyang Shang sa China. Isa sa mga di umano’y pinagmulan ng selebrasyong ito ay ang alamat ng Nian, isang nakakatakot na nilalang na natakot sa ingay, liwanag at kulay pula — dito nag-umpisa ang kaugaliang pagsusuot ng pula, pagpapaputok, at pagsasabit ng pulang dekorasyon. Bukod sa mga mahuhusay, bihasa, at puno ng dunong na nagsipagtanghal, at bawat establisyimento at indibidwal na nakiisa, hindi magiging posible at matagumpay ang selebrasyong ito kung hindi dahil sa inisyatiba at dedikasyon ng Calapan City Tourism, Culture and Arts Office, sa pamamahala ni Ms. Angel Joy Acedera.