“𝑻𝒂𝒚𝒐 𝒂𝒚 𝒖𝒎𝒖𝒑𝒐 𝒖𝒑𝒂𝒏𝒈 𝒂𝒕𝒊𝒏𝒈 𝒎𝒂𝒑𝒂𝒈-𝒖𝒔𝒂𝒑𝒂𝒏 𝒂𝒏𝒈 𝒂𝒏𝒖𝒎𝒂𝒏𝒈 𝒑𝒓𝒐𝒃𝒍𝒆𝒎𝒂 𝒂𝒕 𝒂𝒕𝒊𝒏 𝒊𝒕𝒐𝒏𝒈 𝒎𝒂𝒈𝒂𝒘𝒂𝒏 𝒏𝒈 𝒔𝒐𝒍𝒖𝒔𝒚𝒐𝒏”, iyan ang pambungad na pahiwatig ni 𝗖𝗶𝘁𝘆 𝗠𝗮𝘆𝗼𝗿 𝗠𝗮𝗹𝗼𝘂 𝗙𝗹𝗼𝗿𝗲𝘀-𝗠𝗼𝗿𝗶𝗹𝗹𝗼 sa kanyang mga minamahal na kapwa negosyante sa ginanap na 𝗕𝘂𝘀𝗶𝗻𝗲𝘀𝘀 𝗖𝗼𝗻𝘀𝘂𝗹𝘁𝗮𝘁𝗶𝗼𝗻 𝗠𝗲𝗲𝘁𝗶𝗻𝗴 nitong Pebrero 24, 2023, Calapan City Convention Center, Barangay Tawiran Calapan City.

Nasa halos dalawang daang mangangalakal at negosyante sa buong Lungsod ng Calapan ang nagpaunlak sa paanyaya ng City Government para sa isang makabuluhang diyalogo na nakatuon sa mga suliraning kinakaharap ng nasabing sektor. Ito ay bahagi ng mga hakbangin ng Administrasyon nina 𝗖𝗶𝘁𝘆 𝗠𝗮𝘆𝗼𝗿 𝗠𝗼𝗿𝗶𝗹𝗹𝗼 at 𝗖𝗶𝘁𝘆 𝗩𝗶𝗰𝗲 𝗠𝗮𝘆𝗼𝗿 𝗕𝗶𝗺 𝗜𝗴𝗻𝗮𝗰𝗶𝗼 na higit pang mapaganda ang takbo ng mga negosyo sa lungsod.

Kabilang sa mga nagsidalo ay ang mga nagmamay-ari at representante ng mga nagnenegisyo sa business district ng lungsod partikular sa 𝗖𝗮𝗹𝗮𝗽𝗮𝗻 𝗖𝗶𝘁𝘆 𝗣𝘂𝗯𝗹𝗶𝗰 𝗠𝗮𝗿𝗸𝗲𝘁 gayundin ang mga may pwesto sa malalayong barangay gaya ng meat shop owners sa Km. 12 (kanto ng Managpi) at iba pa. May mga dumalo rin mula sa transportation sector.

Upang maging mabunga ang konsultasyon, maliban kina City Mayor Malou, City Vice Mayor Bim at 𝗖𝗶𝘁𝘆 𝗔𝗱𝗺𝗶𝗻𝗶𝘀𝘁𝗿𝗮𝘁𝗼𝗿 𝗔𝘁𝘁𝘆. 𝗥𝗲𝘆𝗺𝘂𝗻𝗱 𝗔𝗹 𝗨𝘀𝘀𝗮𝗺 ay naroon din ang mga konsernadong department heads at program managers ng City Hall tulad nina 𝗠𝗿. 𝗝𝗼𝗲𝘆 𝗕𝗲𝗻𝘁𝗲𝗿 – 𝗖𝗧𝗜𝗗, 𝗠𝗿. 𝗡𝗲𝗽𝗼 𝗕𝗲𝗻𝘁𝗲𝗿 – 𝗖𝗘𝗘𝗗, 𝗠𝗿. 𝗪𝗶𝗹𝗹𝘆 𝗟𝗮𝗻𝗱𝗶𝗰𝗵𝗼 – 𝗖𝗘𝗡𝗥𝗗, 𝗠𝗿. 𝗡𝗶𝗰𝗸 𝗖𝗮𝘁𝗮𝗽𝗮𝗻𝗴 – 𝗖𝗧𝗗, 𝗠𝘀. 𝗘𝗹𝗲𝗻𝗶𝘁𝗮 𝗥𝗮𝗺𝗶𝗿𝗲𝘇 – 𝗕𝗣𝗟𝗢, 𝗠𝘀. 𝗟𝗼𝗿𝗲𝗹𝗲𝗶𝗻 𝗦𝗲𝘃𝗶𝗹𝗹𝗮 – 𝗖𝗔𝗦𝗗, 𝗠𝗿. 𝗖𝗵𝗼𝘆 𝗔𝗯𝗼𝗯𝗼𝘁𝗼 – 𝗣𝗦𝗗, 𝗗𝗿. 𝗟𝗶𝘀𝗮 𝗟𝗹𝗮𝗻𝘁𝗼 – 𝗖𝗛𝗦𝗗, 𝗠𝗿. 𝗗𝗲𝗻𝗻𝗶𝗲𝘀 𝗘𝘀𝗰𝗼𝘀𝗼𝗿𝗮 – 𝗖𝗗𝗥𝗥𝗠𝗗, 𝗠𝗿. 𝗝𝗲𝗹𝘀𝗼𝗻 𝗠𝗮𝘀𝗼𝗻𝗴𝘀𝗼𝗻𝗴 – 𝗖𝗔𝗗 at 𝗠𝗿. 𝗖𝗵𝗿𝗶𝘀𝘁𝗶𝗮𝗻 𝗚𝗮𝘂𝗱 – 𝗖𝗧𝗖𝗔𝗗.

Mula sa hanay ng Sangguniang Panlungsod ay kumatawan dito si 𝗖𝗶𝘁𝘆 𝗖𝗼𝘂𝗻𝗰𝗶𝗹𝗼𝗿 𝗝𝘂𝗻 𝗖𝗮𝗯𝗮𝗶𝗹𝗼 bilang tagapamuno ng Komite para sa Kalakalan. Ilan sa mga isyung napagtalakayan sa nasabing konsultasyon ay tungkol sa parking para sa mga parokyano sa kahabaan ng J.P. Rizal, Juan Luna at Leuterio Street, mahinang benta sa palengke dahil sa dumaraming talipapa, aplikasyon ng mga business permits (requirements compliance) at ang pagtaas ng stall fee (City Economic Enterprise Code) at iba pang usapin sa palengke.

Dito ay naipaabot din ng mga apektado ng traffic congestion mula sa hanay ng transportasyon. Ang bawat katanungan ay maayos namang tinugon ng mga opisyal mula sa Pamahalaang Lungsod kasunod nito ang pagbibigay ng kasiguruhan na ang lahat ng problema, reklamo at suhistiyon ay bibigyan ng mabilisang pag-aksyon na nakabatay sa masusing pag-aaral at pagbabalanse ng bawat sitwasyon upang matiyak na ang anumang hakbang na isasagawa ay magiging patas at makatarungan para sa lahat ng taumbayan.

Sa pagtatapos ay iniwan ni Mayor Malou ang kanyang mensahe ng taus-pusong pagmamahal at pagmamalasakit para sa mga negosyante at mangangalakal sa Lungsod ng Calapan na itinuturing niyang partners ng ating gobyerno sa pagpapaunlad at pagbibigay ng oportunidad sa hanapbuhay para sa mga Calapeño.