Isang taon nang pagbibigay ng dekalidad na serbisyo hindi lamang para sa mga Calapeño manapa’y para
sa buong lalawigan ng Oriental Mindoro. Kasabay nito ay pinapanatili ng naturang negosyo ang nasimulang adbokasiya na tumulong sa mga kapus-palad lalo na sa mga katutubong mangyan at maging katuwang ng civil society organizations sa pagsasagawa ng mga outreach programs.
Sa unang taong anibersaryo ng Beverford S KIN Wellness & Aesthetics, Pebrero 10, 2024 ay naging kaisa sa pagdiriwang nito si City Mayor Malou Flores-Morillo.
Sa kanyang mensahe ay una niyang pinasalamatan ang owner/manager nito na si Dr. Gina Pantoja Beverford na isang lehitimong Calapeña na mas piniling magtayo ng kanyang negosyo sa kanyang bayang sinilangan.
Kanya ring hinangaan ang magandang pananaw ni Doc Gina sa pagtataguyod ng kanyang negosyo na ang layunin ay hindi lamang para kumita bagkus ay maging bahagi sa pagtataguyod ng kapakanan ng kanyang mga kababayan.
Isang panalangin ng pasasalamat para sa isang taon ng katagumpayan at pagpapala ang pinangunahan ni Rev. Fr. James Manalo mula sa bayan ng Baco na sinundan ng pagbabasbas ng mga kagamitan sa loob ng pasilidad.
Naroon din ang ilan sa mga panauhin at kaibigan na sumusuporta sa negosyong itinayo ni Doc. Gina tulad ni City Councilor Federico Cabailo Jr., at Dr. Berylle Masangkay.
Naging panauhin din sa okasyon sina Ms. Myrea Caccam – Binibining Naujan 2023/Miss Oriental Mindoro 2023 at Ms. Sofia Torina-Binibining Baco 2023/Miss Oriental Mindoro 2023 2nd Runner up.
Ang Beverford S KIN Wellness & Aesthetics ay nagkakaloob ng mga serbisyong pampaganda at pagpapanatili ng mabuting kalusugan sa abot kayang presyo. Sila ay matatagpuan sa Mabini St. Ilaya Calapan City (in front of RODASTCO).
![](https://cityofcalapan.gov.ph/wp-content/uploads/2024/02/1-5-1024x683.jpg)
![](https://cityofcalapan.gov.ph/wp-content/uploads/2024/02/2-5-1024x683.jpg)
![](https://cityofcalapan.gov.ph/wp-content/uploads/2024/02/3-5-1024x683.jpg)
![](https://cityofcalapan.gov.ph/wp-content/uploads/2024/02/4-5-1024x683.jpg)
![](https://cityofcalapan.gov.ph/wp-content/uploads/2024/02/5-5-1024x683.jpg)
![](https://cityofcalapan.gov.ph/wp-content/uploads/2024/02/6-4-1024x683.jpg)
![](https://cityofcalapan.gov.ph/wp-content/uploads/2024/02/7-4-1024x683.jpg)
![](https://cityofcalapan.gov.ph/wp-content/uploads/2024/02/8-4-1024x683.jpg)
![](https://cityofcalapan.gov.ph/wp-content/uploads/2024/02/9-4-1024x683.jpg)
![](https://cityofcalapan.gov.ph/wp-content/uploads/2024/02/10-4-683x1024.jpg)
![](https://cityofcalapan.gov.ph/wp-content/uploads/2024/02/11-4-683x1024.jpg)
![](https://cityofcalapan.gov.ph/wp-content/uploads/2024/02/12-4-1024x683.jpg)
![](https://cityofcalapan.gov.ph/wp-content/uploads/2024/02/13-4-1024x683.jpg)
![](https://cityofcalapan.gov.ph/wp-content/uploads/2024/02/14-4-1024x683.jpg)