“𝑩𝒂𝒃𝒂𝒆 𝒕𝒂𝒚𝒐, 𝒉𝒊𝒏𝒅𝒊 𝑩𝒂𝒃𝒂𝒆 𝒍𝒂𝒏𝒈” — ito ang mga katagang bukambibig ng Ina ng Lungsod, 𝗠𝗮𝘆𝗼𝗿 𝗠𝗮𝗹𝗼𝘂 𝗙𝗹𝗼𝗿𝗲𝘀-𝗠𝗼𝗿𝗶𝗹𝗹𝗼, sa mga pagkakataong makakaharap niya sa mga pagpupulong o aktibidad ang ating mga kababaihan.

Simple, ngunit makabuluhang kataga. Katagang nagpapaalala sa bawat kababaihan, na tayo ay mahalagang bahagi ng komunidad, at tayo rin ay mayroong parte at maiaambag sa pagpapaunlad ng ating lipunan na kinabibilangan.

Kaugnay pa din ng selebrasyon ng ika-25 taong anibersaryo ng pagiging lungsod ng Calapan, isinagawa sa Camilmil Covered Court ang Araw ng Kababaihan na pinasimulan sa pamamagitan ng isang motorcade na pinangunahan ng Ina ng Lungsod Mayor Malou Flores-Morillo.

Gayundin, sa temang, “𝑳𝑨𝑲𝑨𝑺 𝑵𝑮 𝑲𝑨𝑩𝑨𝑩𝑨𝑰𝑯𝑨𝑵, 𝑳𝑨𝑲𝑨𝑺 𝑵𝑮 𝑳𝑰𝑷𝑼𝑵𝑨𝑵”, isang pamper day ang isinagawa ng pamahalaang lungsod para sa mga kababaihan na tinawag nilang ‘𝑺𝒆𝒓𝒃𝒊𝒔𝒚𝒐 𝑷𝒂𝒓𝒂 𝑲𝒂𝒚 𝑱𝒖𝒂𝒏𝒂’. Ito ay kinapalooban ng: Nail care (Mani & Pedi), hair cut, foot spa at massage na talaga namang 𝑷𝑰𝑳𝑨𝑲𝒂-𝒂𝒃𝒂𝒏𝒈𝒂𝒏 at na-enjoy ng mga kababaihan.

Sa pamamagitan naman ni 𝗠𝘀. 𝗘𝗹𝗹𝗮𝗶𝗻𝗲 𝗗𝗶𝗼𝗺𝗮𝗺𝗽𝗼 — 𝗦𝗽𝗲𝗰𝗶𝗮𝗹 𝗖𝗼𝗻𝘀𝘂𝗹𝘁𝗮𝗻𝘁 𝗶𝗻 𝗚𝗲𝗻𝗱𝗲𝗿 𝗔𝗻𝗱 𝗗𝗲𝘃𝗲𝗹𝗼𝗽𝗺𝗲𝗻𝘁, namulat ang mga kababaihang nagsipagdalo hinggil sa 𝗦𝗮𝗳𝗲 𝗦𝗽𝗮𝗰𝗲 𝗔𝗰𝘁, 𝗚𝗲𝗻𝗱𝗲𝗿 𝗕𝗮𝘀𝗲𝗱 𝗦𝗲𝘅𝘂𝗮𝗹 𝗛𝗮𝗿𝗮𝘀𝘀𝗺𝗲𝗻𝘁𝘀 𝗶𝗻 𝗢𝗻𝗹𝗶𝗻𝗲 𝗦𝗽𝗮𝗰𝗲, 𝗚𝗲𝗻𝗱𝗲𝗿 𝗕𝗮𝘀𝗲𝗱 𝗛𝗮𝗿𝗮𝘀𝘀𝗺𝗲𝗻𝘁𝘀 𝗶𝗻 𝗪𝗼𝗿𝗸 𝗦𝗽𝗮𝗰𝗲 at iba pa.

Bago matapos ang naturang programa, ibinagbigay alam din ni Ms. Diomampo sa publiko ang napipintong pagkakaroon ng Calapan City ng 𝗣𝘂𝗿𝗽𝗹𝗲 𝗔𝗰𝘁𝗶𝗼𝗻 𝗠𝗼𝘃𝗲𝗺𝗲𝗻𝘁 na kakalinga, magbibigay tugon sa mga pangangailangan, at magproprotekta sa mga karapatan ng mga kababaihan.

𝗣𝗜𝗟𝗔𝗞 𝗖𝗔𝗟𝗔𝗣𝗔𝗡: 𝗣aglalakbay tungo sa 𝗜sang 𝗟untian, 𝗔sensado, at 𝗞umakalingang Calapan!

𝑻𝒉𝒆 25𝒕𝒉 𝑪𝒊𝒕𝒚𝒉𝒐𝒐𝒅 𝑨𝒏𝒏𝒊𝒗𝒆𝒓𝒔𝒂𝒓𝒚 𝒐𝒇 𝑪𝒂𝒍𝒂𝒑𝒂𝒏!