Lamang ang may tapang kapag Kalap Festival era na!

Bilang hudyat ng pagsisimula ng salubong sa Kalap Festival 2024, handog ng Pamahalaang Lungsod na pinamumunuan ni City Mayor Marilou Flores-Morillo at ng Ginebra San Miguel ang Kalap Fest x Ginuman Fest 2024 Kick-Off Concert para sa taumbayan nitong ika-16 ng Marso.

Naging kaabang-abang ang gabing ito dahil sa Mayonnaise, SUD at Jush Hush na nagpakilig, nagpatili, at nagpatalon sa mga mamamayan ng Lungsod ng Calapan at maging ng mga karatig-bayan.

Maliban sa kanila, tampok din ang mga rising local bands na Mayora Juana, Uplifter, Porpip, Nemesis, Untold, Gnawface, at Fadedlines na may baong ang iba’t ibang klase ng musika.

Palung-palo naman sa masa ang comedy act at pa-games ni Amazing Peanut at pinainit naman ng Ganado Dancers ang gabi ng buong Lungsod ng Calapan.

Ang Kick-0ff Concert ay naging posible sa pamamagitan ng City Government of Calapan, City Tourism, Culture, and Arts Office na pinangungunahan ni Mr. Christian Gaud, at ng Ginebra San Miguel.