Natutuwang binisita at hinarap ni City Mayor Marilou Flores-Morillo ang mga Cluster leaders/Farmers Association President na aktibong kalahok sa isinagawang “2024-2025 Rice Model Farm Cluster Briefing” na ginanap sa Calapan City Agricultural Demonstration Center, Barangay Biga, sa pangunguna ng mga kinatawan mula sa Department of Agriculture Regional Field Office (DA RFO) MIMAROPA, sa pakikipagtulungan ng Pamahalaang Lungsod ng Calapan, sa pamamagitan ng City Agricultural Services Department. Binigyang daan sa nasabing gawain ang talakayan patungkol sa MASAGANA Rice Cluster, CSO Accreditation, Biofertilizer at Hybrid Seeds Programs, na naisakatuparan sa pangunguna nina Agricultural Program Coordinating Officer (APCO), Mr. Renie B. Madriaga, Rice Provincial Staff, Mr. Meynard S. Alcobera, at Rice Staff, Ms Rochelle N. Alcobera, gayundin ng mga IDU Staff, Biofertilizer Technician, at Hybrid Seeds Representative.