Sa isang makulay at makabuluhang seremonya ng pagkilala, ang Calapan City Child Development Center ay

nagdiwang ng taunang Recognition Exercise noong ika-8 ng Hunyo, kung saan kinilala ang mga batang nagsipagtapos mula sa iba’t ibang barangay ng lungsod. Ang kaganapang ito ay dinaluhan ni Ms. Mylene De Jesus, na kumatawan kay City Mayor Marilou Flores-Morillo, bilang patunay ng patuloy na suporta ng pamahalaang lokal sa sektor ng edukasyon.

Ang mga batang nagsipagtapos ay mula sa mga barangay ng Balingayan, Baruayan Naga, Baruyan Proper, Canubing I, Canubing Pajo, Canubing II, Malamig, Patas at sta. Rita. Ang bawat isa sa kanila ay sumasalamin sa dedikasyon at pagsisikap na inilaan ng kanilang mga guro, kawani ng barangay, at mga magulang na walang sawang sumusuporta sa kanilang paglaki at pag-aaral.

Sa pamamagitan ng mga ganitong inisyatibo, ipinapakita ni Mayor Morillo at ng kanyang administrasyon ang kanilang matibay na pangako sa pagpapaunlad ng edukasyon sa Calapan, na siyang magiging pundasyon ng mas magandang kinabukasan para sa lahat