Sa pangunguna ni City Mayor Marilou Floes-Morillo, nagsama-sama ang mga miyembro ng Local Health Board at

City Nutrition Committee para sa isang mahalagang pagpupulong noong ika-13 ng Hunyo. Layunin ng pagtitipon na pagtibayin ang mga nakaraang aktibidad at magplano ng mga bagong hakbang para sa ikabubuti ng kalusugan ng mga Calapeño.

Isa sa mga pangunahing tinalakay ay ang paghahanda para sa darating na paglulunsad ng Nutrition Month ngayong Hulyo. Ang kaganapang ito ay inaasahang magbibigay-diin sa kahalagahan ng wastong nutrisyon para sa lahat.

Nakatanggap din ng pansin ang proyekto ng Sangguniang Kabataan mula sa Barangay Camilmil. Ibinahagi nila ang kanilang inisyatibo na naglalayong turuan ang mga kabataan tungkol sa mga paraan upang makaiwas sa maagang pagbubuntis, isang hakbang na makakatulong sa pagbawas ng mga kaso ng teenage pregnancy sa lungsod.

Bilang tugon, iminungkahi ni Mayor Morillo ang pagpapatupad ng mas mahigpit na curfew para sa mga menor de edad. Ang hakbang na ito ay naglalayong protektahan ang mga kabataan mula sa mga posibleng panganib na maaaring makaapekto sa kanilang kinabukasan.