Mayor’s Cup Inter Barangay Basketball Tournament Meeting

Isinagawa ngayong araw, ika 12 ng Marso ang isang mahalagang coordination meeting bilang paghahanda sa nalalapit na Mayor’s Cup Inter Barangay Basketball Tournament 25 Under sa pangunguna ng City Youth and Sports Development Department sa pamamahala ni CYSDO Mr. Marvin Panahon, na nakatakdang magsimula sa Marso 15, 2026. Layunin ng pagtitipon na ito na pagplanuhan ang maayos na daloy ng torneo, tiyakin ang seguridad, at ipakita ang suporta sa mga kalahok mula sa iba’t ibang barangay.

 

Ang paligsahan ay bahagi ng masayang selebrasyon ng Kalap Festival 2026, na naglalayong pagtibayin ang samahan at pakikipagkapwa ng bawat barangay habang ipinakikita at ipinamamalas ang talento at galing sa larangan ng basketball.