Isinasagawa ngayon sa Pamahalaang Lungsod ng Calapan ang eLGU System Deployment: Admin, User’s Training and Dry Run na tatagal mula Oktubre 1–3, 2025.
Pinangunahan ni City Administrator Angel Navarro ang pagbubukas ng programa, habang nagpaabot naman ng mensahe ng suporta si DILG-CLGOO Eufracio N. Forones, Jr. Pamumunuan ang serye ng training sessions ni Jayvee J. Cabuyao, eLGU Provincial Technical Team Lead.
Buo ang suporta ni City Mayor Doy Leachon sa aktibidad na bahagi ng roadmap ng lungsod upang higit pang mapabilis at maging episyente ang paghahatid ng serbisyo publiko sa City Hall, alinsunod sa Republic Act No. 11032 o Ease of Doing Business and Efficient Government Service Delivery Act of 2018.
Ang programang ito, na inisyatiba ni Engr. Alven de Guzman, Officer-in-Charge ng Management Information Services Office, ay nagsisilbing mahalagang hakbang tungo sa mas makabago at episyenteng pamahalaan sa Lungsod ng Calapan.
