Isang matagumpay na benchmarking activity ang naganap sa Calapan City Disaster Risk Reduction Management Office (CDRRMO) Headquarters ng ibat-ibang probinsya sa MIMAROPA bilang bahagi ng Mimaropa Regional DRRM Summit 2025.
Ipinakita ng CDRRMO ang kanilang mga makabagong kagamitan at sistema sa pagtugon sa sakuna, na nagbigay ng mahahalagang kaalaman sa mga delegado mula sa iba’t ibang probinsya sa rehiyon.
Patuloy ang suporta ng pamahalaang lungsod sa pangunguna ni City Mayor Doy Leachon sa pamamagitan ng pagupgrade sa nasabing departamento upang makatugon sa pangangailang pangkaligtasan.
Malaking tulong ang pagbabahagi ng kaalaman at kasanayan sa pagliligtas ng buhay, lalo na sa mga oras ng sakuna—man-made man o natural disaster. Sa pangunguna ng CDRRMD, patuloy nating pinalalakas ang ating kakayahan bilang isang komunidad na handang tumugon at magligtas. Sama-sama nating isulong ang kaligtasan para sa lahat!
