Sa implementasyon naman ng polisiyang No Uniform, No Selling in Wet Market Section, sa pamamagitan ng Executive Order No. 18-2008, pinagtuunan naman ng pansin ng pamahalaan ang pagkakaroon ng tamang pananamit ng mga manininda, tamang paggamit at pangangalaga ng kanilang mga kagamitan at ang kaparusahan sa paglabag dito. Nagkaloob din ang alkalde ng 600 mga aprons at hairnets sa mga manininda upang makilala ang mga lehitimong manininda at masiguro ang kaayusan at kalinisan sa palengke.

 

Makalipas ang naganap na sunog, muling ibinangon ni Mayor Leachon ang pamilihan na sentro ng komersyo ng Calapan. Nagpatayo ng mga temporary stalls sa wet market section at nagkaloob ng financial assistance sa 283 manininda sa dry goods section. Ito ay sa pamamagitan ng pondong P1.3M mula sa Pamahalaang Lungsod ng Calapan at sa tulong ng mga konsernadong mamamayan tulad ng Ginebra San Miguel, Inc., Coca Cola Philippines at mula sa personal na donasyon ni Mayor Doy. Muli ding inayos ang pwesto ng mga lehitimong manininda at inilipat sa Malaluan Street ang mga dati na at bagong ambulant vendors na nagkalat sa nasabing palengke. Sa Enero 2009, sisimulan na ng Pamahalaang Lungsod ang pagtatayo ng bagong palengke na may pondong P200M piso.