Upang matutukan ang pagsasaayos ng Pamilihang Lungsod ng Calapan, agad na itinalaga noong nakaraang taon ni Mayor Doy si City Trade & Industry Officer Amormio CJS "Joey" Benter bilang bagong Market Administrator.

 

Bago maganap ang malagim na sunog sa palengke noong ika-30 ng Mayo 2008, marami na ang naging pagbabago ang naisakatuparan dito tulad ng paglilipat ng halos 300 ambulant vendors sa bagong tayong Market Market sa Aurora Blvd. na nagpaluwag ng daloy nang trapiko sa San Agustin St. Layon din nito na iprayoridad ang mga lehitimong manininda sa naturang pamilihan at gawing mas kumportable ang mga mamimili sa pagbisita dito. Mahigpit ding tinutukan ang pagsawata sa mga maninidang madaya ang timbangan. Ganundn, namahagi ang Punong Lungsod ng 36 na bagong mga lehitimong pwesto sa loob ng palengke na idinaan sa raffle.