Kasabay ng pagdiriwang ng unang 100 taon ng pagka-Punong Lungsod ni Atty. Leachon, inilunsad ang bagong inobasyon sa pagkalinga at pagbibigay serbisyo sa mga Calapeño sa Pamahalaang Lungsod ng Calapan. Ito ang tinaguriang 10-Minutes Service at City Hall.

 

Layunin nito na mabigayan ng mabilis na serbisyo ang mga mamamayan sa pamamagitan ng maayos, maagap at magalang na paglilingkod sa bawat opisina at sangay ng Pamahalaang Lungsod. Ang programa ay pinangungunahan ni City Human Resource Officer Rene M. Colocar na siyang tututok sa mga kawani upang maisakatuparan ang nasabing layunin.

 

Simula noong buwan ng Setyembre 2007 hanggang sa kasalukuyan, patuloy na dumadaan sa serye ng mga pagsasanay ang mga napiling frontline officers sa bawat departamento. Sila ang sisiguro na mapapabilis ang mga transaksyon at pagbibigay serbisyo sa mga kliyente City Hall. Konektado rin dito ang ginawang paglulunsad ng Outstanding Service Award noong Mayo 2008 na naglalayong kilalanin kada buwan ang mga natatanging kawani ng Pamahalaang Lungsod.