"Thru these programs, the City Mayor aspires to create a healthier citizenry pf Calapan thru proper education, medical assistance and a local medical insurance card."

 

 

Malaking pangarap para kay Mayor Doy ang mailagay sa maayos na kalagayan ang kalusugan ng mga mamamayang Calapeño. Unang hakbang para sa katuparan ng pangarap na ito ay ang pagsusulong ng programang Health Education Reform Order o HERO na inilunsad noong ika-19 ng Oktubre 2007. Layunin ng programa na bigyan ng mas malalim at mas malawak na atensyon ang pangangalaga ng kalusugan sa pamamagitan ng pagbibigay ng tamang kaalaman sa mga mag-aaral na isasama sa kanilang ginagamit na education curriculum. Ayon sa alkalde, mas mainam na umiwas sa sakit kaysa gumugol pa ng panahon at malaking gastos sa pagpapagamot.

May P8M pondo, nakatakda na ring ilunsad ngayong darating na ika-3 ng Nobyembre ang Orange Card na itinuturing na lokal na bersyon ng Philhealth Insurance card. Ito ay ipamimigay sa unang 200 benepisyaryo ng proyekto. Bukod sa intensyong higit na mapangalagaan ang kalusugan ng maralitang Calapeño, minabuti ng Punong Lungsod na maglunsad ng ganitong programa upang mas makatipid sa paggamit ng pondo ng pamahalaan at mailaan ang iba sa kasing halagang proyekto na pakikinabanagan ng mas maraming mamamayan.